सोलापूर : भारताची आघाडीची टेनिसपटू प्रार्थना ठोंबरे चायना स्पर्धेत ‘डबल्स’ची उपविजेती ठरली. स्ट्रासबर्ग (फ्रान्स) येथे सुरू असलेल्या ‘डब्ल्यूटीए’च्या जागतिक मानांकन टेनिस स्पर्धेत तिने उपांत्यपूर्व सामन्यात प्रवेश मिळवला आहे. या स्पर्धेत प्रार्थना विरा लॅपको हिच्यासोबत खेळत आहे.
स्ट्रासबर्ग (फ्रान्स) येथे शनिवारपर्यंत (२७ मे) ही स्पर्धा चालणार आहे. या स्पर्धेत उपांत्यपूर्व सामन्यात पोहोचणारी भारताची दुसरी खेळाडू ठरली आहे. प्रार्थना ही सोलापूर जिल्ह्यातील बार्शी या छोट्या गावातून आलेली खेळाडू असून, ती आपल्या टेनिसच्या सरावाकरिता दररोज ७० किलोमीटरचा प्रवास करून सोलापूरला जात असे.